Plantun de Prouvènço

Pèr coumpara dos planto d'encò nostre

Myosotis arvensis & Phelipanche rosmarina

Te-vese-e-t'ame(-de-champ)

Myosotis arvensis

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis des champs, Myosotis intermédiaire.

Descripcioun :
Aquéu te-vese-e-t'ame trachis di plano de coustiero fin qu'en mountagno. Es uno planto coumuno, mai pas toujour eisado de destria de si cousino. Dins lou group di flour pichoto (1 à 4 mm), soun pulèu li mai grando, si cambo soun un pau mai espésso (> 1mm), e emé d'enflourejado que fan mens de la mita de la planto. Se recounèis classicamen que li pecou di flour d'en bas dèvon èstre dous cop mai long que li sepalo di flour, mai sèmblo pas toujour lou cas.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 10 à 60 cm
Fueio : basalo
Tipe bioulougico : Emicriptoufite
Cicle bioulougico :

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 2 à 4 mm
Flourido : Printems - Estiéu

Sòu : Ca
Autour basso e auto : 0 à 1400 m
Aparado : Noun
Abriéu à setèmbre

Liò : Ermas - Prado - Tepiero sablouso - Bos clar
Estànci : Termoumediterran à Subaupen
Couroulougi : Éurasiatico
Ref. sc. : Myosotis arvensis (L.) Hill, 1764

Erbo-de-taurèu(-dóu-roumanin)

Phelipanche rosmarina

Orobanchaceae

Nom en français : Orobanche du romarin.

Descripcioun :
Aquesto erbo-de-taurèu dóu gènre Phelipanche trachis dins li garrigo "duberto" (emé gaire d'aubre) ounte ié parasito lou roumanin. A la primo flouris i pèd de roumain o pas trop liuen. Se recounèie à soun estigmate jaune clar, si petalo bluio à vióuleto un pau raiado emé uno gorjo blanco.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 20 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Phelipanche
Famiho : Orobanchaceae

Ordre : Lamiales

Coulour de la flour : Bluio
Petalo : irreguliero
Ø (o loungour) flour : 8 à 10 mm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Abriéu à jun

Liò : Garrigo - Roucaio
Estànci : Termoumediterran à Mesoumediterran
Couroulougi : Estenoumediterrano-Ouèst
Ref. sc. : Phelipanche rosmarina (Beck) Banfi, Galasso & Soldano, 2005 (= Orobanche purpurea Jacq, 1762 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Myosotis arvensis & Phelipanche rosmarina

Coumpara Te-vese-e-t'ame(-de-champ) emé uno autro planto

Coumpara Erbo-de-taurèu(-dóu-roumanin) emé uno autro planto